12/09/2023, Salaun enkontru ANC – Diretor Servisu Korporativu ANC Sr. Julião Soares dos Reis akompaña hosi funsionáriu rekursu umanu no logistika Sra. Adelia dos Reis Kebo ho Sra. Carmelita Tolentino hala’o reuniaun ho ekipa hosi Diresaun Jeral Jestaun Patrimoniu Estadu kona ba Monitorizasaun no avaliasaun jestaun frota iha liña ministériu/instituisaun estadu. Avaliasaun ida ne’e bazea ba politika jestaun frota ministériu/instituisaun estadu ne’ebé maka define iha Dekretu-Lei Nú. 80/2022 kona ba regulamentu veikulu estadu. Objetivu atividade monitorizasaun no avaliasaun ida ne’e atu identifika produtividades utilizasaun veikulus estadu hanesan referensia atu halo melloramentu ba jestun ne’ebé rigor hodi bele kontribui ba efisiensia no efetividade iha regras nia utilizasaun no bele define politika integrada ba kapasitasaun ba ofisial sira.
08/09/2023, Salaun MTK - Diretór Tékniku Regulador Autoridade Nacional de Comunicações (ANC) Sr. Vidal dos Santos Gomes ho Diretór Servisu Korporativu Sr. Julião Soares dos Reis, partisipa iha reuniaun ajustamentu programa Ministériu Transporte no Komunikasaun tinan 2024 nian ne’ebé mak MTK realiza atu ajénsia autonomu nomos diresaun sira ne’ebé mak tutela ba iha MTK hodi ajusta programa tinan 2024 tuir programa IX governu konstitusionál.
Reuniaun ne’e lidera hosi Sua. Excêlencia Ministru Transporte no Komunikasaun Eng. Miguel Marques Gonçalves Manetelo no partisipa hosi Diretór Jerál, Diretór Nasional, Diretór Munisípiu, ANC, TIC Timor, ANATL, AACTL no APORTIL.
25/08/2023, Salaun Dili Institute Of Technology (DIT) – Tékniku Regulador Autoridade Nacional de Comunicações (ANC) Eng. Fabio de Magalhães sai orador prinsipal iha atividade workshop ho topiku NETWORKING, hodi partilla informasaun kona ba papel ANC iha setor telekomunikasaun no servisu ANC relasiona ho segurança cibernética, ba Estudante Departamentu Siénsia Komputador, Fakuldade Siénsia no Enjenaria. Objetivu husi atividade ne’e atu mellora estudante sira nia koñesimentu liu husi "security awareness and sharing cyber threats informations".
18-08-2023, Salaun Administrasaun Munisípiu Viqueque – Ministériu Transporte no Komunikasaun liu hosi Autoridade Nacional de Comunicações (ANC) hamutuk ho Asosiasaun TANE KONSUMIDOR soaliza knár no responsabilidade ANC bazeia ba dekretu lei Nú.15/2012, 28 Marsu nomos direitu konsumidor nian iha servisu telekomunikasaun. Programa sosializasaun ne’e ANC halo ona iha munisípiu Manufahi, Lospalos, Ermera no tuir planu sei halo iha munisípiu hotu ho objetivu atu dezamina informasaun nesesariu hodi tulun populasaun Timor-Leste uainhira utiliza servisu telekomunikasaun. Partisipa iha sosializasaun ne’e mai husi Reprezentante Administrador Munísipiu Viqueque, Administrador Postu, Xefe Suku, Xefe Juventude, ema ho defisiensia, sosiedade sivil, Estudante, PNTL, reprezentante operador telekomunikasaun Timor Telecom, Telkomcel, Telemor, Ajénsia Autonomu, DNIC no seluk tan.
11/08/2023, Suai Room-Timor Plaza, Autoridade Nacional de Comunicações (ANC) realiza seminariu nasional ho topiku "Girls in ICT Day Timor Leste 2023", ho tema "Digital Skills for Life", ne’ebe ho objetivu prinsipal atu mellora liu tan koñesimentu feto foin sa’e sira iha area (STEM) siénsia, teknolojia, engeñaria no matematika, ho eventu ida ne’e bele enkoraja estudante feto sira nia hanoin atu iha planu edukasaun ida ne’ebé mak diak nune’e remata estudu iha ensinu sekundaria bele iha ona koñesimentu hodi kontinua sira nia estudu iha universidade ba area STEM nian.
Programa ida ne’e hetan apoiu hosi ITU no parseiru sira hanesan Embaixada Australia iha Dili, JICA, nomos patriosinador sira hanesan Metrolink, Timor Telecom, Telemor no Telkomcel. Partisipa iha eventu ne’e mai hosi Sekretaria Estadu ba Igualdade no Inkluzaun S.E.Sra. Elvina de Sousa Carvalho, Diretor Regional ITU ba Asia no Pasifico Dr. Atsuko Okuda, Reprezentante Embaxador Australia ba Timor Leste, Chefi Reprezentante husi JICA Dr. ITO Mimpei , Reprezentante UNICEF, Operador Telekomunikasaun Timor Telecom, Telkomcel no Telemor, Empreza ISP, TIC Timor, AACTL, ANATL, APORTIL, Estudante Sekundaria, Akademia no seluk tan.
08/08/2023, Salaun enkontru EDTL.EP, Caicoli - Bazeia ba orientasaun hosi Secretário de Estado da Eletricidade, Água e Saniamento kona kabu Fibra Optika ne’ebé mak des-organizadu iha kapítal Díli nomos Munísipiu sira, Komisáriu Ezekutivu Serbisu Tékniku EDTL.EP Eng. Latino Jerónimo ho Presidente Autoridade Munísipiu Díli Sra. Guilhermina Filomena Saldanha, konvoka enkontru kordenasaun servisu ho Ministériu Obras Públikas, Autoridade Nasional de Comunicações (ANC), Operador Telekomunikasaun (Timor Telecom, Telkomcel no Telemor), Empreza ISP sira, TIC Timor inklui hodi deskute kona ba preokupasaun públiku ba kabu hirak ne’ebé dada iha poste eletrisidade ne’ebé tabele no monu iha trotoar leten hodi fó risku ba komunidade sira ne’ebé halo movimentu. Enkuantu hosi enkontru ne’e parte EDTL.EP fó prazu semana rua ba operador telekomunikasaun atu identifika kabu fibra optika iha poste eletrisidade nian hodi instala tuir estandarte ne’ebé mak iha.
01–04/08/2023, Salaun Konferensia MTK, Autoridade Nacional de Comunicações (ANC) hamutuk ho formador senior Sr. Imtiaz Sajid ho Sr. Makito Lay hosi APNIC (the Asia Pacific Network Information Centre) realiza workshop kona ba IPv6 Deployment and IXP Deployment Tutorial durante loron 4 ba tékniku hosi entidante relevante sira ho objetivu atu eleve koñesimentu no kapasidade hodi adapta ba teknolojia ne’ebé mak avansadu. Partisipa iha workshop ne’e mai hosi Policia Nacional Timor Leste (PNTL), TIC Timor, Komisaun Anti Korupsaun (KAK), Banku Central Timor Leste (BCTL), DNIC, Operador Telekomunikasaun Timor Telecom, Telemor no Telkomcel, Empreza ISP sira, Akademia, Tékniku Regulador ANC no seluk tan.
28/07/2023, Salaun Konferensia MTK, Presidente Conselho Administrasaun Autoridade Nacional de Comunicações (ANC) Sr. João Olívio Freitas ho ekipa partisipa reuniaun preparasaun ba komite revizaun orsamentu ratifikativu 2023, ne’ebé lidera hosi Ministru Transporte no Komunikasaun S.E. Sr. Miguel Marques Gonçalves Manetelo. Partisipa iha reuniaun ne’e mai hosi instituisaun sira ne’ebé tutela ba iha MTK hanesan ANC, AACTL, ANATL, APORTIL, DNIC, Diresaun Meteorologia, TIC Timor no seluk tan.
18-20/07/2023, Salaun Konferensia MTC, Autoridade Nacional de Comunicações (ANC) ho parseiru Welchman Keen realiza eventu durante loron tolu ho tema "Governance, Risk and Compliance Capacity Building Workshop". Programa kapasitasaun ne’e peritu nain rua hosi Welchman Keen mai Timor Leste hodi fo formasaun seguransa sibernetika nian ba entidade relevante sira. Partisipa iha formasaun ne’e mai hosi Policia Nacional Timor Leste (PNTL), TIC Timor, Komisaun Anti Korupsaun (KAK), Banku Central Timor Leste (BCTL), DNIC, Tékniku Regulador ANC no seluk tan.
03/07/2023, Salaun Konferensia MTC, Caicoli-Presidente Konsellu Administrasaun ANC Sr. João Olívio Freitas ne’ebé akompaña mos hosi Diretor Servisu Korporativu Sr. Julião S.dos Reis, Kordenador Protesaun Konsumidor sr. Nazário P. Jerónimo no Kordenador UAC Sr. Carlito Dinis Machado partisipa iha serimonia entrega servisu no relatoriu hosi Ministru Sesante Sr. José Agustinho da Silva ba Ministru Transporte no Komunikasaun atual Sua. Excêlencia Sr. Miguel Marques Gonçalves Manetolu.
30/06/2023, Salaun MTC Caicoli - Ekipa Ezekutivu Autoridade Nacional de Comunicações (ANC) kompostu hosi Presidente Konsellu Administrasaun ANC Sr. João Olívio Freitas, Diretor Tékniku Regulador Sr. Vidal dos Santos Gomes, Diretor Servisu Korporativu Sr. Julião S. dos Reis no asesor sira hamutuk ho funsionárius ANC halo serimonia despedida ho Sua. Excêlencia Sr. José Agustinho da Silva Ministru Transporte no Komunikasaun ne’ebé mak kompleta ona mandatu durante periodu 2019-2023.
21-23/06/2023, Suai Room-Timor Plaza, Ministériu Transporte no Komunikasaun liu hosi Autoridade Nacional de Comunicações hamutuk ho ARCTEL (Associação de Reguladores de Comunicações e Telecomunicações da CPLP) realiza XII Reunião de Intercâmbio das Autoridades de Comunicações de Língua Portuguesa (RIA 2023) ne’ebé mak ho tema “Cabos Sumarinos Regular a Connectividade”, eventu intercâmbio ida ne’e atu troka ideia, fahe esperensia ba malu ho delegasaun autoridade regulador CPLP nian kona ba kabu submarinu tanba Timor-Leste agora iha hela prosesu investimentu ba kabu fibra optika. Partisipa iha eventu ne’e mai hosi Presidente Repúblika José Ramos Horta, Ministru Transporte no Komunikasaun José Agostinho da Silva, Liña Ministériu sira, Ajensia Autonomu, PNSIK, PCIC, Operador telekomunikasaun no akademia.
15/06/2023, Maubara Room, Timor Plaza, Kooperasaun entre ANC ho ANACOM (Autoridade Nacional de Comunicações Portugal), Tékniku ANACOM halo kapasitasaun ba funsionariu tékniku regulador ANC kona ba avaliasaun QoS ho QoE Rede Móvel iha Timor Leste durante loron haat (15,16,19,20 Juñu 2023).
09/06/2023, Salaun MTC, Diretór Tékniku Regulador ANC Sr. Vidal dos Santos Gomes ho Diretór Servisu Korporativu Sr. Julião Soares dos Reis partisipa iha serimonia lansamentu relatoriu final rezultadu peskiza kona-ba sidadaun nia asesu ba meiu komunikasaun sosial iha Timor – Leste ne’ebé organiza hosi MAPKOMS iha salaun MTC, Caicoli, Dili.
15-16/05/2023, Hotel Timor, Presidente ANC Sr. João Olívio Freitas akompaña hosi Diretór Tékniku Regulador Sr. Vidal dos Santos Gomes, Asesor Prinsipal Sr. José Lay no Asesor Legal Sr. Adilson Semedo partisipa iha Worskshop ne’ebé Ministério Justisa ho Global Action on Cybercrime Extended Project (GLACY+) hosi Konsellu Europa organiza kona ba krime sibernetika ho objetivu prinsipal sei reforsa kapasidade entidades estadu no aplikasaun lejislasaun iha matéria krime sibernetika ho provas eletrónika nomos reforsa kapasidade lejislasaun ne’ébé efetividade iha kooperasaun internasional.
14/04/2023, Salaun Don Bosco Comoro Dili, Diretór Servisu Korporativu ANC Sr. Julião Soares dos Reis no akompaña hosi Rekursu Umanu Sr. Fausto Belo partisipa serimonia graduasaun ba formandu Sentru Formasaun Profesional Don Bosco Comoro tinan akademiku 2022. Serimonia ne’e entrega sertifikadu nivel I ba formandu iha area Konstrusaun Jeral no Administrasaun Jeral nomos sertifikadu nivel II ba formandu Administrasaun, Automekaniku, Eletrisidade, Soldadura, Karpintaria, Pedreiro, Kanalizasaun no AC.
04/04/2023, Salaun enkontru ANC, Ministériu Transporte no Komunikasaun hamutuk ho Autoridade Nacional de Comunicações (ANC) organiza enkontru kordenasaun kona ba kualidade servisu telekomunikasaun ho Chief Executive Officer (CEO) husi operador telekomunikasaun tolu hanesan Timor Telecom, Telemor no Telkomcel.
27-31/03/2023, São Tomé e Príncipe, Delegasaun ANC husi Timor-Leste ne’ebé lidera hosi Administrador Tékniku Sr. Vidal dos Santos Gomes nudár Xefe delegasaun no akompaña hosi Administrador Naun-Ezekutivu Sr.Fernando da Silva no Asesor Juridiku Dr.Adilson Semedo partisipa iha XV Assembleia Geral da ARCTEL e no 13º Fórum de Comunicações da CPLP hodi diskute kona ba revizaun estatutu organizasaun “ARCTEL” no partisipa mós iha diskusaun ba setor postal iha regulasaun no Forum das Comunicações CPLP ne’ebé mak hetan partisipasaun masimu hosi nasaun membru sira hanesan: ANACOM-Portugal, ANATEL-Brazil, ARME-Cabo Verde, INCM-Moçambique, INACOM-Angola, ARN-Guinea Bissau, AGER-Sao Tome e Principe, ANC-Timor Leste no ORTEL-Guinea Equotorial.
30/03/2023, Centro de Convenções de Dili (CCD), Presidente ANC Sr. João Olívio Freitas, Diretór Servisu Korporativu Sr. Julião Soares dos Reis no funsionáriu partisipa iha lansamentu ofisial Bus Damri ho Marka Babadok Express ne’ebé lansa husi Presidente Repúblika José Ramos no akompaña husi Ministru Transporte no Komunikasaun José Agustinho da Silva, Embaixador Indonesia iha Timor Leste Okto Dorinus Manic, Prezidente Asosiasaun Emprezaria Mulher Timor Leste (AEMTL) Herigui Luina Alves, Prezidente Kamara Komersiu Industria Timor-Leste Jorge Manuel de Araujo Serrano, Vise Ministru Komersiu no Industria Domingos Lopes Antunes hodi halo operasaun dahuluk ba Dili-Kupang Indonesia.
24/03/2023, Salaun MTC, Caicoli – Presidente ANC Sr. João Olívio Freitas partisipa iha serimonia tomada do posse ba Presidente Konsellu Administrasaun APORTIL.IP Feliciano da Costa Correia ba periodu 2023 – 2025 hodi substitui Sr. Lamartino de Oliveira.
23/03/2023, Delta Nova – Diretór Servisu Korporativu ANC Sr. Julião Soares dos Reis no akompaña husi Rekursu Umanu ANC Sr. Fausto Belo partisipa iha Dezaminasaun no Lansamentu Livru kona ba Estudu Avaliasaun ba Rezultadu Programa Fundo de Desenvolvimento do Capital Humano (FDCH) tinan 2015 – 2020 no Aniversáriu FDCH ba dala 12 (23 Marsu 2011-23 Marsu 2023).
20-22/03/2023, Sydney, Australia, Junior Technical Regulator ANC, Mr. Renato Hildebrand da Costa had participated in The 2023 Global Marine Transportation System Cybersecurity (GMTSC) Symposium hosted by the Australian Government, in partnership with Denmark, the Netherlands, Singapore, the United Kingdom and the United States as members of the International Partnership for Maritime Cybersecurity. The objective would bring together government, academia and industry representatives from across the international community to discuss cybersecurity and enhancing cyber resilience in the maritime sector.
13-17/03/2023, Genebra, Suiça. Delegasaun Timor-Leste ne'ebé mak lidera husi S.E. Ministru Transporte no Komunikasaun, Sr. José Agustinho da Silva, partisipa iha World Summit on the Information Society (WSIS) Forum 2023 no sesqun espesializada sira inkluindu "High-Level Policy Session 5: Bridging Digital Divided" no "WSIS 2023 Ministerial Roundtable".
17/03/2023, CBD1-Timor Plaza, Diretur Tékniku Sr. Vidal dos Santos Gomes hamutuk ho CEO Telemor Sr. Trang Van Bang no akompaña husi CEO Metrolink Sr. José Januario, reprezentante BNCTL, reprezentante Jape Group, kliente telemor nomos parseiru sira seluk halo lansamentu ba loja foun telemor nian atu kliente sira husi telemor bele halo tranzasaun oioin hanesan sosa sim card, telemovel no seluk tan.
10/03/2023, Diretur Tékniku Regulador ANC Sr. Vidal dos Santo Gomes reprezenta Presidente ANC hodi akompaña S.E Ministru Interinu MTC Sr. Abel Pires da Silva halo lansamentu ba torre foun telemor CO0017 iha Aldeia Aitoun, Suku Fatululik, Postu Administrativu Fatululik, Munísipiu Covalima hodi ajuda komunidade sira bele asesu ba liña telekomunikasaun.
27 Feb. - 03 Mar. 2023, ANC, Technicals Regulator Professional Mr. Fabio de Magalhaes and Mr. Renato H. da Costa participated in the Online Training on Computer Forensic organized by the Universitas Indonesia (UI) and Japan International Organization Agency (JICA), the course goals focus on build an in-house forensic capability used a variety of free, open-source tools for identify and handle digital artifact/evidence to answer critical questions, including application execution, file access, data theft, external device usage, file download, anti-forensics and Implement triage, live system analysis, and alternative acquisition techniques, also compile reports and presents the findings during the digital forensics examination.
17/02/2023, Ainaro - ANC hamutuk ho Asosiasaun TANE KOMSUMIDOR sosializa knár no responsabalidade ANC tuir dekretu lei Nú. 15/2012, nomos direitu konsumidor sira nian iha servisu telekomunikasaun. Objetivu husi sosializasaun ne’e atu hato’o informasaun nesesariu hodi tulun populasaun Timor-Leste uainhira utiliza servisu telekomunikasaun. Partisipa iha sosializasaun ne’e mai husi Administrador Munísipiu, Administrador Postu, Xefe Suku, Xefe Juventude, ema ho defisiensia, sosiedade sivil, Estudante, reprezentante operador Timor Telecom, Telkomcel, Telemor no reprezentante MTC, iha Salaun Administrasaun Munísipiu Ainaro.
16/02/2023, Ainaro – Ekipa Autoridade Nacional de Comunicações (ANC) kompostu husi Diretór Tékniku Regulador Sr. Vidal dos Santos Gomes, Kordenador Protesaun Konsumidor Sr. Nazário Jerónimo, Tékniku Regulador Eng. Pio.C.T. Soares halo talk show iha Radio Komunidade Lian Tatamailau Ainaro kona ba knár no responsabilidade ANC tuir dekretu lei Nú.15/2012, 28 Marsu, ho objetivu atu partilla informasaun ba komunidade sira iha área remotas ne’ebé durante ne’e utiliza servisu telekomunikasaun.
07-09/02/2023, Maubara Room - Timor Plaza, Diretór Tékniku Sr. Vidal dos Santos Gomes ho Tékniku Regulador Profesional ANC Eng. Fábio de Magalhães, partisipa iha Capacity Building Programme (CBP) durante loron tolu ne'ebe lidera husi sekretariadu ASEAN ho apoiu husi ADB, programa kapasitasaun ne’e hahu sessaun primeiru ho pilar ekonómiku no tuir mak sosial, politika no kultura, atu Timor-Leste bele prepara an didiak hanesan membru ba iha ASEAN.
07/02/2023, Salaun MTK, Caicoli, Presidente ANC Sr. João Olívio Freitas akompaña husi Diretór Servisu Korporativu Sr. Julião Soares dos Reis, partisipa Lansamentu ba Implementasaun hodi dezenvolve no perguntas asuntu defisiensia ba ezame eskrita kondusaun bazea ba Planu Asaun Nasional – ema ho defisiensia Periodu 2021-2030, Página:62.