International Telecommunications Union (ITU) iha kolaborasaun ho Autoridade Nacional de Comunicações (ANC) organiza ona Avaliasaun ba Maturidade Timor-Leste Computer Incident Response Team (CIRT) ne'ebe hala'o ona iha loron 27 to'o 29 Fevereiru 2024 iha Dili, Loron dahuluk entrevista ho membru sira husi Ekipa Resposta ba Insidente Seguransa Komputadora Timor-Leste nian (TLCSIRT) no fornese mos informasaun kona-ba Avaliasaun Maturidade CIRT ne'ebé uza Enkuadramentu Maturidade ITU CIRT bazeia ba modelu SIM3.
Loron daruak no datoluk fahe kona-ba kapasitasaun téknika no ezersísiu sira hanesan Jestaun CyberCrisis no introdús instrumentu balun ba plataforma Cyber Threats Intelligence no Seguransa Responde ba Insidente.
Iha eventu ne'e envolve partisipante maizumenus na'in 20 ho parte interesada sira ne'ebé reprezenta ajénsia governu balun no akadémiku.
Avaliasaun Nasional ba Maturidade CIRT Timor-Leste nian, sei fó rekomendasaun prinsipál ba TLCSIRT hodi asegura ninia efikásia hodi hasa'e seguransa siber iha nasaun laran.