Ami buka Asesór Prosesu Negósiu ida ho esperiénsia ne'ebé koñese sistema regulador ka ajénsia estadu seluk. Hamutuk ho asesór sira seluk no tuir orientasaun Asesór Prinsipál ANC nian, Asesór ne'e sei fó konsellu estratéjiku no apoiu operasionál ba ANC atu harii instituisaun ANC.
Asesór ne'e sei lidera dezeñu no dezenvolvimentu fluxu servisu no prosesu sistema atu ANC bele halo ninia knaar legál ho di'ak, bazeia ba lei no prátika di'ak liu regulasaun modernu nian.
Responsabilidade prinsipál sira inklui uza jestaun prosesu ne'ebé estruturadu atu identifika no define prosesu no prosedimentu ANC nian, dezenvolve indikadór dezempeñu, hetan aprovasaun, implementa prosesu no prosedimentu, no fó konsultoria no formasaun ba unidade regulatóriu sira kona-ba prosesu foun ka ne'ebé hadi'a ona. Bele hetan knaar seluk tan.
Prosesu regulatóriu sira inklui, maibé la limita ba, lisensiamentu, sertifikasaun, kumprimentu, trata keixa no relatóriu, no mós prosesu apoiu hanesan kontabilidade, rekrutamentu no dokumentasaun internu.
Prazu aplikasaun remata iha Domingu, 2 Marsu 2014. Informasaun tan iha ne'e.
Atualiza ikus: 17/02/2014.
