Atu informa públiku kona-ba atividade ANC nian tuir ninia responsabilidade no papél nu'udar regulador setór komunikasaun, ANC publika iha pájina ne'e rezumu eventu sira ho foto no deskrisaun badak.
22/01/2025, Díli, Autoridade Nacional de Comunicações Timor-Leste (ANC) ho Conselho Imprensa de Timor-Leste (CI) asina Nota Entendimentu hodi hametin liberdade imprensa no liberdade espresaun iha Timor-Leste, iha Salaun enkontru CI, Quintal Boot, Díli.
Objetivu asina akordu entre Conselho Imprensa (CI) ho Autoridade Nacional de Comunicações (ANC) atu servisu hamutuk kria mekanismu ho koordenasaun ne’ebe diak iha prosesu atribuisaun lisensa frekuénsia ba meiu komunikasaun sosiál radiufónika no televizivu husi ANC nomos atu asegura kontrolu ba meiu komunikasaun sosiál sira ne’ebé rejistu iha Conselho Imprensa.
20/01/2025, Kamboja, Administrador Tekniku Konselhu Administrasaun Autoridade Nacional de Comunicações (ANC) IP. Sr. Novelino Dos Santos akonpanha Sua Excelensia Ministru Transporte no Komunikasaun Eng. Miguel Marques Goncalves Manetelu iha serimónia asinatura "Memorandum Entendimentu kona-ba Kooperasaun iha Ámbitu servisu Postal,Informasaun Komúnikasaun no Teknolojia i Transformasaun Dijitál" MoU ne’e dezeña atu promove kooperasaun, dezenvolvimentu tékniku, no dezenvolvimentu rekursu umanu entre nasaun rua iha setór sira hanesan: Servisu Postál, Informasaun Komunikasaun no Teknolojia, Transformasaun dijitál.
18/01/2025, Tailândia, Administrador Tekniku Konselhu Administrasaun, Autoridade Nasionál Komunikasaun (ANC) IP. Sr. Novelino Dos Santos Partisipa inkontru ASEAN Digital Senior Officials Meeting (ADGSOM) iha loron 13-15 Janeiru 2025, no mós akonpanha Sua Excelensia Ministru Transporte no Komúnikasaun iha enkontru ASEAN Digital Minister’s Meeting iha loron 16-17 Janeiru 2025, ne'ebé ho tema, “Seguradu, Inovativu, Inkluzivu, Forma Futuru Dijitál ASEAN nian,” fó énfaze ba seguransa, inovasaun, no inkluzividade nu’udar Pilares prinsipais ba ajenda dijitál ASEAN nian.
09/01/2025, Díli, Ministériu Transporte no Komunikasaun liu husi Autoridade Nacional de Comunicações (ANC) realiza enkontru ho operador telekomunikasaun no Empreza Internet Services Provider (ISP) sira ne’ebé lidera husi Ministru Transporte no Komunikasaun Eng. Miguel Marques Gonçalves Manetelo hodi koalia kona ba dezenvolvimentu setor telekomunikasaun, iha Salaun MTK, Caicoli. Partisipa iha enkontru ne’e mai husi operador telekomunikasaun tolu hanesan Timor Telecom, Telemor, Telkomsel no Empreza ISP mak Apurva Unipessoal,Lda, Sacomtel,Lda, Morapido Net Unipessoal, Lda, Megtelco,Lda, Metrolink,Lda, Raph Vision Electronic Unip,Lda, Gonsoa Unipessoal, Lda, Kacific Broadband Satelite Unipessoal,Lda no Nerravi Networks, Unipessoal Lda.
28/12/2024, Bebora-Dili, Salaun Multiusos GMN – Ministru Transporte no Komunikasaun Eng. Miguel Marques Gonçalves Manetelu fó posse ba Membru Konsellu Administrasaun Autoridade Nacional de Comunicações (ANC.IP) nain lima (5) kompostu husi Sr. Flávio Cardoso Neves nudár Prezidente Konsellu Administrasaun ANC I.P. ba Mandatu tinan lima (5), Sr. Novelino dos Santos nudár Administradór Tékniku ba mandatu tinan haat (4), Sra. Georgina Emília da Silva Garcia nudár Administradora Finansas ba mandatu tinan tolu (3), Sr. Roberto Manuel da Costa Martins nudár Administradór Naun Ezekutivu ba mandatu tinan haat (4) ho Sr.José Ave Maria Ximenes Cipriano Gonçalves nudar Administradór Naun Ezekutivu ba mandatu tinan tolu (3). Tomada de Posse ne’e bazea ba Despacho No.429/IX-GOV/MTC/XII/2024, Nomeasaun Membru Konsellu Administrasaun Autoridade Nacional de Comunicações. Entertantu S.E. Eng. Miguel Marques Gonçalves Manetelo fó mós posse ba Sr.Venâncio Pinto nudár Diretór Ezekutivu TIC TIMOR I.P. no Sr. José Asa nudár Fiskál Úniku ba mandatu tinan lima.
25/11/2024, Salaun MTK – Ministériu Transporte no Komunikasaun liu husi Autoridade Nacional de Comunicações (ANC) realiza enkontru ho operador telekomunikasaun Timor Telecom, Telemor, Telkomsel no Kompañia Internet Service Provider (ISP) hodi deskute kona ba Alterasaun Dekretu Lei Nú. 15/2012, Infrastrutura kabu Submarinu nomos Trial ba Cross Border entre Dili-RAEOA. Enkontru ne’e abertura hosi S.E. Ministériu Transporte no Komunikasaun Eng. Miguel Marques Gonçalves Manetelo no partisipa hosi ezekutivu Operator telekomunikasaun, Ezekutivu ISP nomos Tékniku sira.
12-13/11/2024, Abu Dhabi, EAU – Sr. Fábio de Magalhães, Regulador Tékniku, no Sr. Renato H. da Costa, Regulador Tékniku Júniór, reprezenta Autoridade Nasionál Komunikasaun Timor-Leste iha konferénsia "CyberQ: Security in the Quantum Era" iha Abu Dhabi. Eventu ne'e organiza husi Konsellu Seguransa Sibernétika EAU, ho apoiu husi Technology Innovation Institute (TII) no hetan rekoñesimentu husi ITU, no halibur líder indústria no entidade governu atu rona espesialista teknolojia kuántika. Destake ida mak EAU hetan rekorde mundiál Guinness rua: lisaun komputasaun kuántika boot liu (partisipante 309) no lisaun ho nasionalidade barak liu (nasaun 87).
14-24/10/2024, Nova Delhi, Índia – Delegada Sra. Carmelita Soi Tolentino no Sra. Agostinha Bernardina Soares reprezenta Autoridade Nasionál Komunikasaun Timor-Leste iha eventu importante ne'e. WTSA 2024 fó oportunidade atu haree progresu Setór Padronizasaun ITU (ITU-T), diskute teknolojia foun no define prioridade ba tinan haat tuir mai. Tópiku prinsipál sira mak rede jerasaun foun (5G no 6G), seguransa sibernétika, intelijénsia artifisiál, inkluzaun dijitál, sustentabilidade no papél TIK atu atinje Objetivu Dezenvolvimentu Sustentável (ODS).
08/10/2024, Kintal Boot, Dili – Tékniku Regulador ANC kompostu hosi Eng. Fábio de Magalhães, Eng. Jacinto Fernandes ho Eng. Alexandre Varela reprezenta Presidente ANC hodi partisipa iha komemorasaun loron nasional liberdade imprensa ba dala rua ho tema: Atmosfera Liberdade Imprensa iha Nasaun Demokratiku. Iha serimonia ne’e hala’o mós espozisaun foto jornalízmu iha ambitu selebrasaun loron nasional liberdade imprensa ne’ebé Conselho de Imprensa organiza ho objetivu ida atu hasa’e públiku liliu jornalista foinsa’e sira no entidade relevante nia koñesimentu hodi valoriza kontribuisaun media no jornalista iha prosesu luta ba ukun rasik aan. Partisipa iha serimonia ne’e hosi S.E Eis Presidente Repúblika no Eis Primeru Ministru Jeneral Taur Matan Ruak, Vice PM. Ministro Cordenador dos Asuntos Desenvolvimento Local S.E Mariano Assanami Sabino, Sekretária Estadu Komunikasaun Sosiál Expedito Dias Ximenes, Diretór Media no Jornalista sira.
25/09/2024-27/09/2024, Bali, Indonézia, Tékniku Reguladór Profisionál ANC, Eng. Fábio de Magalhães partisipa ona iha Fórum Anuál ASEAN ICT 2024 kona-ba Protesaun Online ba Labarik ne'ebé organiza hosi Ministériu ba Empoderamentu Feto no Protesaun Labarik husi Indonézia, hamutuk ho Komisaun ASEAN ba Promosaun no Protesaun ba Direitu Feto no Labarik Indonézia no Tailándia, ho apoiu husi UNICEF Rejionál Ázia Leste no Pasífiku. Objetivu husi Fórum 2024 ne'e hodi fornese espasu pozitivu ida ba diskusaun no kolaborasaun ba protesaun labarik sira nian hosi forma hotu-hotu ba esplorasaun no abuzu online nian. Eventu ne'e halibur líder husi indústria nian, reprezentante husi governu sira, no parte interesada ba xave sira seluk hodi asegura seguransa labarik sira nian ba online.
02/09/2024, Kaikoli- Ministru Transporte no Komunikasaun (MTK) Eng. Miguel Marques Gonçalves Manetelu sai nudár inspektur ba serimonia isar Bandera Nacional RDTL ne’ebé mak Autoridade Nacional de Comunicações (ANC) responsavél ba isar bandera nasional semana dahuluk fulan setembru 2024 iha edifísiu Ministériu Transporte no Komunikasaun (MTK), Kaikoli. Serimonia isar bandera ne’e nudár atividade regular ne’ebé obrigatoriu funsionáriu hotu tenke partisipa iha semana dahuluk kada fulan. Serimonia ne’e partisipa husi funsionariu diresaun MTK nomos ajensia autonomu sira ne’ebé tutela ba iha Ministeriu Transporte no Komunikasaun hanesan ANATL, AACTL, ANC, TIC Timor no Aportil.
022-08-2024, Salaun MTK, Kaikoli - Ministériu Transporte no Komunikasaun liu husi Autoridade Nacional de Comunicações (ANC) atribui sertifikadu rejistrasaun Internet Services Provider (ISP) tolu ba Starlink Timor, Unipessoal Lda, Gonsoa, Unipessoal Lda, Nerravi Networks, Unipessoal Lda.
Serimonia atribuisaun sertifikadu ne’e atribui husi S.E. Primeiru Ministru Kay Rala Xanana Gusmão, Ministru Transporte no Komunikasaun Eng. Miguel Marques Gonçalves Manetelo no Ministru Planeamentu, Investimentu no Estratéjiku Sr. Gastão Francisco de Sousa.
Hafoin atribuisaun sertifikadu hahu ohin ba oin empreza ISP hirak ne’e bele hahu halo ona sira nia operasaun hanesan fornesedor internet ba kliente sira iha Timor-Leste.
Partisipa iha serimonia ne’e mai husi Reprezentante membru governu, operador telekomunikasaun, reprezentante empreza ISP sira, Presidente ho ekipa ajensia autonomu sira, Direto Jerál MTK nomos funsionáriu sira.
15/08/2024, Biter Lau-Fatuahi, Cristo Rei, Dili Timor-Leste – Ekipa Tékniku Regulador Autoridade Nacional de Comunicações (ANC) Kompostu husi Eng. Fabio Magalhães, Eng. Octavio Marques Freitas no Eng. Jacinto Fernandes reprezenta Presidente ANC partisipa iha serimonia entrega no lansamentu Sistema Radiu Komunikasaun Digital iha Tore Biter Lau-Fatuahi.
09/07/2024, Salaun enkontru TIC Timor, Caicoli, Díli – Ministériu Transporte no Komunikasaun liu husi Autoridade Nacional de Comunicações (ANC) hamutuk ho TIC Timor,I.P no Diresaun Nacional Infraestruturas e Comunicação (DNIC) realiza enkontru ho operador telekomunikasaun tolu hanesan Timor Telecom, Telkomsel no Telemor kona ba koordenasaun servisu ba vizita pastorál Papa Francisco mai Timor-Leste durante loron tolu (3) hahu husi loron 9 – 11 setembru 2024.
Objetivu enkontru koordenasaun servisu ho operador telekomunikasaun tolu ne’e atu iha preparasaun ne’ebé diak hodi servisu hamutuk no husu operador telekomunikasaun sira nia apoiu masimu hodi aumenta kapasidade liña internet durante vizita pastorál Papa Francisco mai Timor-Leste.
04-07-2024, Salaun Enkontru ANC, Caicoli, Díli – Bazea ba pedidu audénsia husi Conselho de Imprensa, Presidente Interinu Autoridade Nacional de Comunicações (ANC) Sr. Flávio Cardoso Neves akompaña husi ekipa tékniku ANC hala’o enkontru ho Presidente Conselho de Imprensa de Timor Leste Sr. Otelio Ote ho nia ekipa hodi deskute kona ba estabelese akordu kooperasaun entre instituisaun rua nudár baze legal hodi hamutuk buka forma entedimentu atu promove servisu hamutuk ne’ebé diak entre instituisaun rua hodi fó lisensa frekuénsia ba Meus Komunikasaun Sosiál radiufoniku no televizivu tuir artigu 26 lei komunikasaun sosiál ne’ebé hateten Meu Komunikasaun Sosiál Radiufoniku no televizivu sira bele funsiona bainhira iha lisensa frekuénsia ne’ebé Autoridade Nasional Komunikasaun maka sei fó ho karta akompañamentu husi Conselho de Imprensa.
Pontu prinsipál iha sorumutu ne’e atu oinsa iha entendimentu ne’ebé hanesan hodi hamosu akordu ida ne’ebé iha benefisiu mutua entre ANC ho Conselho de Imprensa tanba Conselho de Imprensa labele hakat liu kuandu lisensa diretu antena ne’e la mai husi ANC.
10/06/2024, Fundação Oriente, Administrador Técnico ANC nian, Sr. Vidal dos Santos Gomes, reprezenta Presidente ANC hodi partisipa no hanesan mos orador iha seminariu ne'ebe realiza husi redEsperansa Timor-Leste, ho topiku "Internet Freedom, Digital Rigths and Community Network in Timor-Leste" hamutuk ho orador sira seluk hanesan iha eventu refere.
24/05/2024, Salaun enkontru ANC – Presidente Interino Autoridade Nacional de Comunicações (ANC) Sr. Flávio Cardoso Neves akompaña hosi Diretor Tékniku Regulador ANC Sr. Vidal dos Santo Gomes nomos Asesor Prinspal no Tékniku enkontru ho Administradora delegada Timor Telecom, S.A Sra. Rita Sampaio Nunes ho ekipa hodi deskute kona ba situasaun atual setor telekomunikasaun iha Timor Leste no kabu submarinu ne’ebé sei mai iha tempu badak.
20-24/05/2024, Pennsylvania, EUA – Regulador tékniku ANC, Sr. Pio C. Tilman Soares, partisipa iha kursu Jestaun Espektru, Dezeñu Leilaun Espektru no Asesibilidade TIK ba Ema ho Defisiénsia, ne'ebé organiza husi Center for Executive Education in Technology Policy iha Carnegie Mellon University hamutuk ho Digital Connectivity and Cybersecurity Partnership, Departamentu Estadu EUA. Kursu ne'e ba ema ne'ebé iha interese profisionál ba polítika espektru: regulador espektru, ema ne'ebé servisu iha lejislasaun kona-ba regulasaun espektru, no setór privadu.
23-25/04/2024, Dubai, UAE, Tekniku Regulador Professional ANC, Sr. Fabio de Magalhães no Sr. Pio Clemente Tilman Soares, partisipa iha Global CyberDrill ne'ebe organiza husi Uniaun Internasional Telekomunikasaun (UIT) no Konsellu Siber Seguransa Emirados Árabes Unidos (EAU) ho objetivu atu lori hamutuk Autoridade Nasional Siber Seguransa, Ajénsia seguransa sira, no mós CERTS/CIRTs/CSIRT husi 100+ nasoens tomak hodi promove kooperasaun no parseria globál hodi hamenus ba ameasa siber. Eventu refere iha mos aktividades Exhibition ne'ebé partisipa 750+ vendors ne'ebe hatudu sira-nia teknolojia, prototípiu no konseitu vizaun, konferensia ne'ebé lider indústria hamutuk 350+, peritus sira ne'ebé iha naran-boot, no entuziazmu sira kona-ba siber seguransa halibur hamutuk hodi esplora tendénsia foun, fahe informasaun, no explora inovasaun iha área siber seguransa, iha mos treinamentu no semináriu sira ne'ebe lidera husi profisionál no treinador sira ne'ebé ho esperiénsia, liu husi sesaun formasaun GISEC Global nian ne'ebe fó oportunidade úniku ida atu dezenvolve kle'an iha área espesífiku siber seguransa no hetan esperiénsia ba pratika nian.
22/04/2024, SaLaun enkontru ANC – Diretor Tékniku Regulador Autoridade Nacional de Comunicações (ANC) Sr. Vidal dos Santos Gomes akompaña hosi Koordenador Protesaun Konsumidor Sr. Nazário Jerónimo halo enseramentu ba estudante estájiarius hosi Ensino Secundário Técnico Vocacional No.2 Lospalos hodi entrega mós sertikadu ba estudante sira ne’ebé kompleta ona estájiu iha ANC. Estudante Estájiarius hirak ne’e hala’o sira nia estájiu iha ANC durante fulan tolu hahu hosi loron 22 Janeiru to’o loron 22 Abril 2024. Programa estájiu ida ne’e regular no obrigatoriu ba estudante ensino secundário téknico vocacional sira atu sira iha abilidade no koñesimentu kona ba merkadu servisu no bele pratika direta iha servisu fatin nune’e, sira bele prepara an no prontu ba asesu merkadu servisu no sai servidor ne’ebé diak.
Ensino Secundário Técnico Vocacional No.2 Lospalos iha departamentu tolu hanesan kontabilidade, Jestaun Ekipamentu Informatika no Komersiu.
18-04-2024, Salaun enkontru ANC – Diretór Tékniku Autoridade Nacional de Comunicações (ANC) Sr.Vidal dos Santos Gomes hamutuk ho tékniku regulador Eng. Fabio Magalhães ho Eng. Pio Clemente simu audénsia hosi ekipa redEsperansa.tl no Kalohan Akadémiku atu aprezenta inisiativa redEsperansa.tl kona ba internet komunitária non-lukrativu ho non-Komersial iha Timor-Leste.
redEsperansa.tl hahu funda iha tinan 2022 ho konsorsiu sosial entre Fundação Naroman Esperança, East Timor Coffee Institute (ETCI), Instituto Católico para a formação de Professores (ICFP) nomos guifi.net
22/03/2024, Parlamentu Nasional – Parlamentu Nasional liu hosi Komisaun E trata asuntu infraestrutura halo audiénsia públika ho Ministériu Transporte no Komunikasaun ho ajénsia autonomu ne’ebé tutela direta ba MTC. Iha Audiensia ne’e Presidente Interinu Autoridade Nacional de Comunicações (ANC) Sr. Flávio Cardoso Neves akompaña hosi Diretór Servisu Korporativu Sr. Julião S. dos Reis ho apoiu tékniku finanseira Sra. Georgina E. da S. Garcia halo aprezentasaun relatóriu ezekusaun orsamentu 2023 ANC nian ba parlamentu nasional. Enkuantu audiénsia públika ne’e partisipa hosi Kargu Xefia MTC, AACTl, ANATL, APORTIL ho TIC TIMOR.
16/03/2024, ANC, Eng. Renato Hildebrand da Costa, hanesan funsionariu tekniku junior iha area desenvolvimentu iha Autoridade Nacional de Comunicações (ANC) halo aprezentasaun ba Diretor Tekniku ANC, funsionarius ANC sira no alin estajiariu Informatika sira iha salaun enkontru ANC, kona-ba ninian planu asaun ho topiku Implementasaun Internet Exchange Point (IXP) nomos esperensia nebe nia hetan durante treinamentu KCCP konaba “ICT PROJECT PLANNING” iha Kobe, Japaun, ne’ebe organiza husi JICA no Kobe Institute of Computing (KIC).
12–13/03/2024, Salaun Nobre MNEC – Diretor Servisu Korporativu ANC Sr. Julião Soares dos Reis ho Sr. Fausto Belo hanesan Rekursu Umanu ANC partisipa iha Seminário dos Pontos Focais Setoriais Nacionais para a CPLP durante loron rua (2) ne’ebé mak organiza hosi Ministério dos Negocios Estrangeiros e Cooperação liu hosi diresaun nasional Comunidade dos Países de Língua Portuguesa (CPLP). Semináriu ne’e kona ba kooperasaun CPLP ba fontu fokal liña ministeriál hanesan atividade integrada programa XLVII reuniaun pontu fokal kooperasaun CPLP. Durante seminariu pontu fokal hosi liña ministeriál sira diskute, troka ideias, fó sujestaun ho liña ministeriál sira hodi fortalece kolaborasaun ho CPLP.
19/02/2024 - 01/03/2024, Brasília, Brasil, Eng. Olívio Salvador Ximenes hanesan funsionariu tekniku junior iha area Seitor Regulasaun ANC, partisipa kursu ho tema "Alta Formação em Desafios Contemporâneos do Ecossistema Digital". Ne'ebe organiza husi "Centro de Altos Estudos em Comunicações Digitais e Inovações Tecnológicas (Ceadi)" husi ANATEL no kolaborasaun ho Universidade de Brasília (UnB). Kursu ne'e foka liu iha fórmula híbridu no direitu ba funsionárius husi Ajénsia Reguladora sira iha nasaun membru sira husi ARCTEL-CPLP. Iha kursu ne'e diskute konseitu importante sira liuhusi regulasaun ho objetivu atu fó fundamentu ba dezizaun sira relasionadu iha área telekomunikasaun.
16-23/02/2024, Singapura – Regulador tékniku ANC, Sr. Pio Clemente Tilman Soares, partisipa iha Workshop kona-ba Seguransa Sibernétika ne'ebé organiza husi Third Country Training Programme Singapura-EUA (TCTP). Kursu ne'e kompleta inisiativa ASEAN sira no fó plataforma atu fahe prátika di'ak iha nivel nasionál, rejionál no internasionál, ho tópiku hanesan medida konfiansa nasionál iha seguransa sibernétika, parseria públiku-privadu, no kuadru ba hahalok responsavel estadu sira iha espasu sibernétiku.
27-29/02/2024, MTC, Dili, International Telecommunications Union (ITU) iha kolaborasaun ho Autoridade Nacional de Comunicações (ANC) organiza ona Avaliasaun ba Maturidade Timor-Leste Computer Incident Response Team (CIRT). Loron dahuluk entrevista ho membru sira husi Ekipa Resposta ba Insidente Seguransa Komputadora Timor-Leste nian (TLCSIRT), loron daruak no datoluk fahe kona-ba kapasitasaun téknika no ezersísiu sira hanesan Jestaun CyberCrisis no introdús instrumentu balun ba plataforma ameasa Cyber Intelligence no Seguransa Responde ba Insidente. Iha eventu ne'e envolve partisipante maizumenus na'in 20 ho parte interesada sira ne'ebé reprezenta ajénsia governu balun no akadémiku.
15/01/2024 – 17/02/2024, Kobe, Japaun – Regulador tékniku júniór ANC, Sr. Renato H. da Costa, partisipa iha formasaun KCCP kona-ba Kapasitasaun ba Planeamentu Projetu TIK (B) ne'ebé organiza husi JICA no Kobe Institute of Computing (KIC). Objetivu mak atu hetan abilidade no hasa'e kapasidade iha "planeamentu projetu" atu rezolve problema oioin liuhusi uza TIK. Partisipante sira mai husi Bangladexe, Belize, Timor-Leste, Granada, Kiribati, Laos, Iraun, Mongólia, Nijéria, Tailándia, Tonga no Ukránia.
07/02/2024, Salaun Enkontru ANC, Caicoli – Autoridade Nacional de Comunicações (ANC) hala’o enkontru ho TIC Timor, operador telekomunikasaun Timor Telecom, Telkomsel no Telemor ne’ebe lidera hosi Koordenador Protesaun Konsumidor Sr. Nazario Jeronimo no akompaña hosi tékniku regulador Eng. Pio Clemente ho Eng. Fabio de Magalhaes. Enkontru ne'e kolia kona-ba "Routing Public IP hudi TIC Timor ba iha Router Operadores nian atu nune'e bele fasilita publiku hodi asesu ajendamentu online ba portal ajendamentu.mj.gov.tl la liu husi internet, maibe rede lokal deit.
06/02/2024, Salaun MTC, Caicoli-Presidente Interinu ANC Sr. Flávio Cardoso Neves hamutuk ho Diretores no Asesores sira partisipa iha serimonia tomada pose ba Membru Konsellu Administrasaun Air Navigation of Timor-Leste (ANATL E.P.) periodu 2024–2028 no entrega relatóriu servisu hosi estrutura sesante ba Membru Konsellu Administrasaun ANATL.EP foun nomos entrega sertifikadu rekoñesimentu ba membru konsellu administrasaun ANATL.EP anterior. Serimonia ne’e partisipa hosi Ministru Transporte no Komunikasaun S.E. Eng. Miguel Marques Gonçalves Manetelo ho Diretores no kargu Chefias tomak, Vise I PN, MPIE, SECOMS, Presidente Komisaun E, Komisariu Funsaun Públiku, Kargu Xefia MTC, Ajensia Autonomia no funsionáriu.
22/01/2024 – 02/02/2024, Universitas Indonesia, Indonézia – Regulador tékniku ANC, Sr. Fábio de Magalhães, partisipa iha formasaun Analista Seguransa Sibernétika (CySA+) no "Oinsá halo jestaun aas sira konxiente kona-ba seguransa sibernétika", ne'ebé organiza husi JICA - idCARE iha Universitas Indonesia. CySA+ hanorin oinsá deteta no analiza sinál atividade maliciozu, komprende informasaun no jestaun ameasa, responde ba atake no vulnerabilidade, halo resposta ba insidente no komunika kona-ba ida-ne'e. Parte jestaun aas hanorin oinsá halo ema ne'ebé foti desizaun (CEO no administrasaun) komprende no pratika seguransa sibernétika. Partisipante sira mai husi Laos, Kamboja no Timor-Leste.
22/01/2024, MTC- Bazea ba despacho husi Gabinete Primeiro Ministro Nú.010/GPM/I/2024, nomeasaun presidente interinu ANC ne’ebé públika iha Jornal Republika nomea Sr. Eng. Flávio Cardoso Neves hodi substitui Sr. João Oívio Freitas ne’ebé termina ona mandatu. Kargu Xefia ANC hamutuk ho funsionáriu simu Presidente Interinu Autoridade Nasional de Comunicações (ANC) Sr. Eng. Flávio Cardoso Neves, hafoin simu Presidente Interinu ANC hala’o kedas enkontru ho kargu xefia ANC, funsionáriu no asesor iha Salaun enkontru ANC.
12/01/2024, Naval Hera - Diretór Servisu Korporativu ANC Sr. Julião Soares dos Reis partisipa iha aniversáriu komponente naval ba dala XXII ho tema “Naval Forte – Tasi Seguru”. Komemorasaun ba komponente naval nudár mós aktu ida hodi memoriza no presta omenajem ba camaradas de luta sira ne’ebé barak luta ho ita no balun ne’ebé sei hamutuk iha ita nia leet maibé sofre moras oioin. Iha ne’e fó omenajem no ezemplu ba luta libertasaun nasional ne’ebé kontinua fó inspirasaun ba ita hotu liuliu ba feto no mane ne’ebé hola parte iha komponente naval nia mahon. Komponente naval mai hosi organizasaun ida ne’ebé mai hosi kultura bazeia ba komponente umanu sira ne’ebé servi ba komponente militar ida ne’e. Militar hotu hotu maka riku soin no validoso esensial relevante tebes ba servisu naval nian hodi atua reforma desiziva ba kapasidade asaun no sai fator determinante ba susesu.
