Ministériu Transporte no Komunikasaun simu aplikasaun ba pozisaun Diretór Tékniku (vaga 1) no Diretór Finansas (vaga 1) Autoridade Nacional de Comunicações (ANC) Timor-Leste.
Knaar no responsabilidade
Technical Director
Diretór Tékniku sei lidera funsaun regulasaun setór ANC nian, inklui, maibé la limita ba, lisensiamentu no atribuisaun espektru no númeru telekomunikasaun, kumprimentu no fiskalizasaun, seguransa rede no dezenvolvimentu padraun tékniku. Diretór mós tenke kontribui ba dezenvolvimentu setór no regulasaun merkadu.
Finance Director
Diretór Finansas sei lidera servisu korporativu ANC nian, inklui, maibé la limita ba, planeamentu no relatóriu orsamentu, dirije no kontrola administrasaun, apoiu legál, aprovizionamentu, rekursu umanu, komunikasaun no relasaun esterna. Diretór Finansas mós tenke kontribui ba regulasaun no dezenvolvimentu merkadu.
Aleinde knaar no responsabilidade iha leten, diretór na'in-rua sei sai membru Konsellu Administrasaun ANC.
Kualifikasaun no kritériu selesaun
Diretór ANC tenke ema ida ho integridade, independénsia hanoin no reputasaun di'ak; liuliu:
Technical Director
- Pós-graduasaun iha Enjeñaria Telekomunikasaun KA
Lisensiatura iha Enjeñaria Telekomunikasaun ho esperiénsia servisu tinan 3 iha regulasaun, dezenvolvimentu polítika no/ka padronizasaun. Kandidatu ho pós-graduasaun sei hetan prioridade. - Koñesimentu di'ak kona-ba sistema radiokomunikasaun, inklui antena no propagasaun, no sistema komunikasaun móvel.
- Koñesimentu di'ak kona-ba rede telekomunikasaun, inklui rede banda larga, liña transmisaun, enjeñaria tráfiku no sistema naran domíniu Internet.
- Koñesimentu kona-ba dezenvolvimentu foun iha teknolojia informasaun no rede banda larga.
- Abilidade jestaun projetu ne'ebé di'ak tebes.
- Hakerek no ko'alia Inglés di'ak tebes, no di'ak liu se Portugés mós.
- Independente husi operadór telekomunikasaun iha Timor-Leste no sira-nia afiliadu (iha tinan 5 ikus).
Finance Director
- Pós-graduasaun iha Finansas/Ekonomia KA
Lisensiatura iha Finansas/Ekonomia ho esperiénsia servisu tinan 3 iha finansas no/ka servisu korporativu. Kandidatu ho pós-graduasaun sei hetan prioridade. - Abilidade kontabilidade ne'ebé di'ak.
- Koñesimentu di'ak kona-ba prepara Demonstrasaun Finanseira no Relatóriu Finanseiru.
- Abilidade interpesoál no organizasaun ne'ebé di'ak tebes.
- Hakerek no ko'alia Inglés di'ak, no di'ak liu se Portugés mós;
- Independente husi operadór telekomunikasaun iha Timor-Leste no sira-nia afiliadu (iha tinan 5 ikus).
Submitting Application
Kandidatu tenke hatama (1) karta aprezentasaun, (2) resposta ba kritériu selesaun, (3) CV ne'ebé kobre tinan 5 ikus husi moris profisionál, di'ak liu la liu pájina 3, no (4) kualifikasaun relevante. Aplikasaun tenke hatama iha papél no iha formatu dijitál, hanesan tuir mai:
- Kópia papél ne'ebé asina ona tenke entrega ba:
Eskritóriu Aprovizionamentu
Ministériu Transporte no Komunikasaun
Avenida Bispo Medeiros n.º 8, Díli, Timor-Leste; - Kópia dijitál dokumentu sira iha formatu PDF tenke haruka liuhusi email ba: jobs@anc.tl.
Prazu aplikasaun remata iha 27 Juñu 2014. Vaga sei prenxe de'it se iha kandidatu ne'ebé apropriadu. Kandidatu iha lista badak de'it mak sei hetan notifikasaun ba teste no entrevista.
Kandidatu sira mós bele haree website ANC (http://anc.tl) atu hetan informasaun atualizadu kona-ba rekizitu no prosesu aplikasaun.
Atualiza ikus: 13/06/2014
