Atu informa públiku kona-ba atividade ANC nian tuir ninia responsabilidade no papél nu'udar regulador setór komunikasaun, ANC publika iha pájina ne'e rezumu eventu sira ho foto no deskrisaun badak.
05/05/2022, Salaun UNITAL, Becora, Presidente ANC João Olívio Freitas akompaña husi Diretur Servisu Korporativus Julião Soares dos Reis partisipa iha serimonia tomada de posse ba estruturas Autoridade Portuáriu Timor Leste (APORTIL.IP) ne’ebé ho tema Hakbi’it Servidores APORTIL hodi Asegura Kualidade servisu Atendimentu ba Públiku.
29/04/2022, Lautem, ANC sosializa knár no responsabalidade tuir dekretu lei nú. 15/2012 iha Munisipiu Lautem. Objetivu husi sosializasaun ne’e atu hato’o informasaun nesesariu sira hodi tulun populasaun Timor-Leste wainhira utiliza servisu telekomunikasaun.
28/04/2022, Lautem, Ekipa ANC halo talk show iha Radio Comunidade Lospalos hodi dezamina informasaun ba komunidade sira kona ba knár no responsabilidade ANC tuir dekretu lei númeru 15/2012.
30/03/2022, Dili, Presidente ANC João Olívio Freitas akompaña husi Diretur Servisu Korporativus Julião Soares dos Reis partisipa iha lansamentu voo komersial dahuluk aviaun QANTASLINK, iha Airoportu Internacional Presidente Nicolao Lobato.
22/03/2022, Manufahi, ANC halo sosializasaun kona-ba Kna’ar no responsabilidade iha salaun administrasaun Munisípiu Manufahi. Objetivu hodi dezamina informasaun ba komunidade sira iha area rural hodi tulun konsumidor sira nia dever no direitu wainhira uza servisu telekomunikasaun.
10/03/2022, Salaun MTC, Komisaun Anti Korupsaun (KAK) halo sosializasaun lei númeru 7/2020, 26 Agostu kona ba Medida Prevensaun no Kombate Korupsaun ba Autoridade Nacional de Comunicações (ANC).
03/02/2022, Novo Turismo, Presidente ANC João Olívio Freitas ho Direitor Servisu Korporativu Julião Soares dos Reis Partisipa iha Lansamentu Website ID ÚNIKU no Aprezentasaun Relatóriu Survei Pilotu Prontidaun Governu Eletróniku ne’ebé TIC Timor.IP hala’o liu husi sekretariadu ID ÚNIKU.
27/12/2021, Salaun MTK, Ezekutivu ANC Partisipa iha eventu Avaliasaun Dezempeñu Servisu MTK Tinan 2021
20/12/2021, Liquica – Lauhata, Prezidente ANC João Olívio Freitas Partisipa iha Focus Group Discussion Peningkatan Kerja Sama Ekonomi dan Investasi Indonesia dan Timor-Leste.
21-28/11/2021, Darsula, Gariuai, Baucau, MTK – ANC Partisipa feira nasional hodi komemora loron proklamasaun independénsia 28 Novembru ba dala-46.
25/11/2021, MTK, ANC-MTK halo Atribuisaun Dahuluk Call Sign no Maritime Mobile Service Identity ba Navio Nasional Berlin Nakroma.
16/11/2021, MTK, ANC-MTK Atribui Sertifikadu Rejistrasaun ba Empreza CESLINK, S.A iha Salaun Ministeriu Transporte no Komunikasaun.
27/10/2021, Tilomar-Salele, Presidente ANC João Olívio Freitas partisipa iha abertura sosializasaun ba Programa VIII Governu Konstitusional ba Implementasaun Politika Jeneru ba Feto Rurais iha Munisipiu Covalima.
25/10/2021, ANC, Enkontru entre ANC - CAC kona ba solisitasaun mekanismu hotline ba Comissão Anti Corupção.
14/10/2021, ANC, Diretur Tékniku Regulador ANC hamotuk ho ekipa Tékniku Regulador ANC halo enkontru ho Dr. Andrew Kerans ho objektivu fahe informasaun kona ba'a assistente tékniku spesifikamenta ba rádio spektru.
30/09/2021, ANC – Lansamentu Konsulta Públika kona-ba Planu Numerasaun no Enderesamentu ANC nian, husi 30 Setembru to'o 5 Novembru 2021.
28/09/2021, Genebra (online), Presidente ANC partisipa iha eventu “8th Economic Experts Roundtable” organiza husi ITU.
28/09/2021, ANC – Enkontru ANC kona-ba depózitu akordu sira entre empreza ISP (Internet Service Provider).
17/09/2021, ANC, ANC atribui sertifikadu lisensa espektru Notice Inviting Aplication (NIA) No. 2.2020 iha banda 1800 MHz , 2300 MHz no 2600 MHz ba Operador Telkomsel hoTelemor.
04/09/2021, Ministério das Financas, MTC – ANC Aprezenta planu estratejika dezenvolvimentu nasional no proposta OGE 2022 ba Komite Revizaun Orsamentu Polítika (KROP), iha Ministério das Financas, Aitarak Laran.
01/09/2021, ANC, Ekipa Ezekutivu ANC enkontru vídio konferénsia ho Embaixadór Timor-Leste iha Japaun, Elídio Xiimenes hamutuk ho empreza KENJA koalia kona ba investimentu setor telekomunikasaun.
12/08/2021, Hotel Timor, Presidente ANC ho Administrador Tékniku Orador iha Seminariu ne’ebé organiza husi MAPKOMS koalia kona ba Papel ANC ho Licenciamento Frequência no Spectrum.
22/07/2021, ANC – Enkontru ho UN Capital Development Fund kona-ba dijitalizasaun ekonomia Timor nian.
14/07/2021, ANC, ANC/MTC Atribui Certidão do Registo ba empreza Apurva Unipessoal, Lda, Morapido Net Unipessoal, Lda, Elite Computer, Lda no Megtelco S.A iha Salaun Enkontru ANC.
