COVID-19 lori susar boot ba konsumidór, negósiu no komunidade iha Timor-Leste tomak. Governu servisu atu apoia ita-nia povu iha tempu krize ne'e. Iha setór telekomunikasaun, konfinamentu no servisu husi uma halo ema presiza kapasidade internet (bandwidth) barak liu. Kliente iha área ne'ebé ema barak karik sente koneksaun neineik no servisu la responde lalais.
Atu ajuda hadi'a problema ne'e, Ministru Transporte no Komunikasaun fó sai Orientasaun Ministeriál n.º 232/MTC/V/2021 atu apoia operadór telekomunikasaun sira hadi'a asesu Internet ba públiku durante Estadu Emerjénsia COVID-19 nian.
Ohin ANC implementa parte importante husi Orientasaun Ministeriál ne'e, liuhusi fó espektru tan iha banda 1800 MHz ba operadór móvel na'in-tolu iha Timor-Leste. Espektru tan ne'e sei hadi'a esperiénsia 4G kliente sira nian iha rai laran tomak.
Hanesan troka, operadór móvel sira fó servisu oioin ho gratuitu ba públiku.
