Díli, 10 Fevereiru 2026 – União Internasionál Telekomunikasaun (ITU), hamutuk ho ANC, I.P., fó asisténsia téknika ba ofisiál regulador tékniku ANC nian kona-ba Misaun Preliminár ba Atualizasaun Tabela Nasionál Alokasaun Frekuénsia (NTFA) Timor-Leste nian, iha sala enkontru ANC, Caicoli, Díli.
Asisténsia téknika ne'e hala'o durante loron rua, 10 to'o 11 Fevereiru 2026, atu apoia atualizasaun Tabela Nasionál Alokasaun Frekuénsia (NTFA). Objetivu mak atu asegura kumprimentu ho Regulamentu Rádiu (Radio Regulations) no aliña ho kuadru regulatóriu globál ITU nian, hametin jestaun espektru nasionál, promove uza espektru ho efisiénsia no sustentável, prevene interferénsia ne'ebé estraga, no fó fatin ba teknolojia foun iha setór telekomunikasaun.
Asisténsia téknika ne'e fó husi Sr. Syed Aamir Riaz, reprezenta ITU hanesan Ofisiál Programa ba Ázia no Pasífiku.
Atividade ne'e loke ofisialmente husi Prezidente ANC, I.P., Sr. Flávio Cardoso Neves, no hetan partisipasaun husi Diretór Tékniku, Sr. Novelino dos Santos, hamutuk ho Diretora Finansas, Sra. Georgina Emília da Silva Garcia.
