ANC jere espektru frekuénsia ne'ebé uza ba transmisaun televizaun dijitál terrestre no define padraun tékniku ba plataforma TV dijitál. Padraun sira-ne'e hatete tipu siñál saida mak radiodifuzór sira tenke uza atu transmite TV dijitál iha Timor-Leste.
Atu ajuda Governu iha mudansa husi TV analójiku ba TV Dijitál Terrestre (DTTB) iha Timor-Leste, ANC konvida públiku atu fó komentáriu kona-ba aspetu importante DTTB nian, inklui espektru frekuénsia, padraun no teknolojia.
Parte interesada sira tenke rejistu sira-nia interese atu fó komentáriu hakerek ba dokumentu konsulta. Hafoin rejistu, ANC sei kontaktu sira hodi fó dokumentu konsulta no númeru referénsia atu haruka sira-nia komentáriu.
Komentáriu hakerek tenke haruka ba ANC molok 12 Outubru 2018 12 Novembru 2018 (hanaruk ona).
Favór ba pájina rejistu atu rejistu ita-nia interese.
Atualiza iha 02/10/2018: hanaruk prazu atu simu komentáriu
