Ohin, ANC lansa balkaun protesaun konsumidór foun ida ba kliente operadór telekomunikasaun no Internet iha Timor-Leste.
Balkaun Protesaun Konsumidór sei ajuda kliente servisu telekomunikasaun no Internet ne'ebé iha keixa seidauk rezolve atu hato'o sira-nia keixa ba ANC. Depois ANC sei loke kazu rezolusaun disputa kona-ba keixa ne'e ho fornesedór servisu ne'ebé relevante.
Atu hetan ajuda husi Balkaun, konsumidór tenke hato'o uluk keixa ba ninia fornesedór servisu no fó tempu razoável ba fornesedór atu responde. Se konsumidór la hetan resposta hafoin loron servisu 15 husi loron halo keixa, ka se la kontente ho rezultadu, ANC bele intervein.
Ita bele kontaktu Balkaun Protesaun Konsumidór ANC iha 331 1415 ka liuhusi email consumerprotection@anc.tl.
