Press Release
Díli, 01.07.2022 – Autoridade Nacional de Comunicações (ANC) planeia atu hatama Matadalan ba Permisaun Rede Telekomunikasaun Kabu Transfronteirisu, atu trata autorizasaun ba instalasaun no operasaun kabu terrestre no submarinu ne'ebé liu fronteira, tuir Seksaun 5 no Seksaun 19 Dekretu-Lei n.º 15/2012, loron 28 Marsu 2012, kona-ba Regulasaun Setór Telekomunikasaun, no Matadalan ANC kona-ba Rejistu.
Tanba ne'e, ANC fó sai Esbosu Matadalan ANC ba Permisaun Rede Telekomunikasaun Kabu Transfronteirisu ba konsulta públika.
Objetivu konsulta públika ne'e mak atu ANC bele simu no konsidera hanoin husi parte interesada setór telekomunikasaun nian no ema seluk ne'ebé iha interese ba esbosu medida regulatóriu ne'e.
Ema ne'ebé interese hetan konvite atu haruka sira-nia hanoin hakerek kona-ba Esbosu Matadalan ANC nian.
Konsulta públika ne'e hahú iha loron 1 Jullu 2022 no remata iha 9 Agostu 2022. Favór asegura katak resposta hotu to'o ANC molok 9 Agostu 2022.
Atu haruka resposta, favór haruka ba:
ANC – Konsulta
Avenida Xavier do Amaral n.º 8, Díli
Email: consultation@anc.tl
ANC hein atu simu hanoin ne'ebé iha valór kona-ba asuntu importante ne'e.
