Vaga – Diretór Servisu Korporativu (tempu tomak, prazu fixu tinan 3)
Autoridade Nasionál Komunikasaun Timor-Leste, ho naran ofisiál Autoridade Nacional de Comunicações (ANC), mak autoridade ida ne'ebé harii liuhusi Dekretu-Lei Telekomunikasaun n.º 15/2012, loron 28 Marsu 2012.
ANC buka atu kontrata Diretór Servisu Korporativu (prazu fixu tinan 3), ne'ebé reporta ba Prezidente ANC, atu fó lideransa efetivu ba ekipa profisionál ne'ebé inklui Teknolojia Informasaun, Rekursu Umanu, Servisu Administrativu no Atendimentu Kliente, Aprovizionamentu no Lojístika, atu apoia nesesidade operasionál ANC nian.
Deskrisaun rekizitu
Deskrisaun servisu kompletu bele download ne'e.
Kritériu selesaun no kualidade ne'ebé di'ak se iha
• Esperiénsia minimu tinan 5 ne'ebé aumenta nafatin iha área servisu korporativu.
• Esperiénsia iha área ida ka liu: rekursu umanu, jestaun administrasaun negósiu, jestaun konta inklui orsamentu, previzaun no relatóriu finanseiru mensál.
• Iha susesu ne'ebé prova ona iha organizasaun privada ka públika kona-ba dezenvolve polítika, prosedimentu no prosesu, no harii sistema no ferramenta atu apoia organizasaun ne'ebé kresse.
• Esperiénsia jere fasilidade no servisu ba organizasaun ho tamañu médiu.
• Esperiénsia iha sistema jestaun dezempeñu organizasaun nian.
• Esperiénsia iha kuadru monitorizasaun no avaliasaun, no esperiénsia jestaun mudansa.
• Abilidade analítika di'ak tebes no prova ona katak bele rezolve problema.
• Kapasidade atu servisu iha ambiente multikulturál.
• Sidadaun Timor-Leste.
Application Submission
Kandidatu tenke hatama (1) karta aprezentasaun; (2) formuláriu aplikasaunne'ebé prenxe ona; (3) resposta ba kritériu selesaun; (4) CV atualizadu no (5) dokumentu relevante seluk. Aplikasaun tenke hatama iha papél no iha formatu dijitál, hanesan tuir mai:
1. Kópia papél ne'ebé asina ona tenke entrega ba:
Autoridade Nacional de Comunicações (ANC)
Ministériu Transporte no Komunikasaun
Av. Xavier do Amaral, Mercado Lama, Caicoli
Dili, Timor-Leste
2. Kópia dijitál dokumentu sira iha formatu PDF tenke haruka liuhusi email ba: jobs@anc.tl.
Prazu aplikasaun remata iha 06 Marsu 2019.
Díli, 20 Fevereiru 2019
Carmelita Tolentino
Human Resource Professional
Atualiza ikus: 20/02/2019
